Текстилниот кластер на 14 ноември 2014 година во компанијата Босут во Куманово, ја одржа обуката „Тренинг за работа и методи”. Оваа работилница претставуваше обука за секој менаџер кој работи во производство, односно за раководителите на производна линија и раководители на група - бригадири; обучувачи за работа, технолози, контролори на квалитет. Обуката ги опфати следните теми: рационални техники за шиење, оптимално структурирање на работните места, рационални методи на работа, обука на шивачките за квалитетно работење итн. Програмата на семинарот беше прилагодена на најновите побарувања и резултатите од оперативната пракса.

Читај повеќе..

Како резултат на зголеменото барање на европските партнери за сертифицирање на производните капацитети, кај македонските текстилни компании се идентификува потребата за подобро запознавање со процесот на сертифицирање. За таа цел Текстилното Трговско Здружение - Текстилен Кластер на Македонија, во соработка со Weis Consulting Association од Ашафенбург, Германија организираа семинар на тема “Социјални и корпоративни стандарди и стандарди на МОТ”. Работилницата имаше за цел да ги запознае текстилните компании со социјалните барања, заштитата и сигурноста на вработените како и делот на етичките стандарди. Воведувањето на овие стандарди поткрепено со соодветен сертификат ќе претставува доказ за нивните купци дека можат да одговорат на нивните барања за квалитет, сигурно и безбедно производство и останати социјални барања, а со тоа и стекнување и со конкурентна предност на различните пазари на коишто ги пласираат нивните производи.

Читај повеќе..

Во рамките на проектот “Конфекциско инженерство – предизвик за младата генерација” на Текстилниот кластер со Министерството за економија и Технолошко Металуршкиот факултет – Институт за текстилно инженерство, на 06.10.2014 год беше организирана посета на учениците од средното текстилно училиште Димитар Мирасчиев-Штип во текстилните компании Албатрос-Штип и Фам моде-Штип. На посетата присуствуваа двајца професори и петнаесетина ученици од ова училиште, како и претставник од Министерството за економија и Текстилниот кластер. Главна цел на проектот е

Читај повеќе..

Текстилното Трговско Здружение на Македонија-Текстилниот кластер во соработка со Агенцијата за странски инвестиции и промоција на извозот на Република Македонија, а поддржана од SIPPO - Швајцарската програма за промоција на извозот, организираат учество на B2B настан за време на одржувањето на Меѓународниот моден саем (CIFF) во Копенхаген, од 02 - 06 Август 2014 година.

CIFF е најголемиот моден саем во Северна Европа. На настанот учесниците ќе имаат можност да се запознаат со нови купувачи, да ги откријат најновите трендови, и ќе им се отвори можност за пристап до Скандинавскиот моден пазар. Палетата на производи на саемот CIFF е: женска, машка и детска облека и модни додатоци и обувки. За повеќе информации за саемот посетете ја веб страната: www.ciff.dk

Настанот ќе се одржи од 2-ри до 6-ти август 2014 во Копенхаген, Данска.

Доколку сте заинтересирани за учество пополнете ја РЕГИСТРАЦИОНАТА ФОРМА ОВДЕ.